cos dez sentidos

outra viñeta de Le Potage

2011-01-20T10:39:00.002+01:00

viñetita

2011-01-20T10:38:00.002+01:00

Outra viñeta de Le Potage

2010-09-25T11:57:00.001+02:00

Esta viñeta creo q saiu publicada no Le Potage de Xuño.

viñeta de Xandra para Le Potage

2010-09-25T11:52:00.002+02:00

Efectivamente como dixo aqui Javi o outro día, parece que non debuxo na revista Le potage xa que non teño subido ultimamente viñetas. Coma sempre a culpa é do maldito tempo. Pero bueno, para compensar vou subir un par de elas xa publicadas.

viñeta para a Festa da prehistoria 2010

2010-07-19T09:30:00.002+02:00

ultima viñeta de Xandra para A Peneira da Louriña

2010-07-08T15:14:00.005+02:00

Como creo que todo profesional que desenvolve un traballo debe cobrar polos seus servizos, e logo de case 5 anos debuxando para este xornal sen cobrar, chegou o momento en que decidín solicitar unha contraprestación económica. A resposta do director do mesmo foi que non lles era posible, que eu mirara o que facía pero que non me ían pagar NADA (aínda que eu non lle falara en ningún momento de cantidades), ante isto eu optei por seguir debuxando neste xornal, priorizando a miña necesidade de debuxar por enriba dos meus intereses como profesional. Sen embargo, chega un punto en que un se prantexa ata que punto está facendo respectar a súa obra. E como o respecto polo traballo dun profesional debe prevalecer, hoxe optei por publicar a derradeira viñeta de Xandra na Peneira da Louriña. O futuro xa se verá cal é, pero polo menos, aínda quie tarde, defendín a miña dignidade profesional polo que estou ben contento. Polo momento, Xandra seguirá publicándose no fanzine catalán Le Potage (revista non profesional onde ningún dos debuxantes nin autores cobra) como viña facendo ata o de agora. Un saúdo. A imaxe que vai adxunta é a da última viñeta na Peneira.

2 probas de cartel para o VII Festival de Cans

2010-06-07T14:49:00.003+02:00

Estas son 2 probas de cartel con ilustracións polo medio,
non estou moi contento con elas pero polo menos podedes ir mirando
algo mentres non teña algo máis decente:

Foto da Xandra en cor

2010-06-07T14:41:00.005+02:00

Son consciente, como dixo javi un par de entradas máis abaixo, que estou subindo pouco material. A verdade é que como no inverno practicamente o único que debuxo é Xandra, e ela xa ten perfil e páxina no facebook... por certo, é verdade, ela xa ten páxina propia no facebook, poreivos aqui o enlace
http://www.facebook.com/pages/Xandra/126963473991959?ref=mf

Ilustración de Xandra para páxina de facebook

2010-06-07T14:40:00.002+02:00

Planet 51

2010-02-13T09:51:00.003+01:00

Este enlace conduce á web de Marcos Calo, un dos meus debuxantes galegos favoritos polo seu talento, incrible o deste mozo na peli Planet 51.
Para iso vos poño este enlace, para que flipedes co que está a facer a xente galega polo mundo. Tamén podedes aproveitar para entrar no enlace de Emma Ríos, porque publicar na editorial Marvel tamén está ao alcance de moi poucas persoas en todo o mundo.
Aqui tedes o enlace:
http://www.marcoscalo.com/galleryanimation.htm

Por certo, que esta finde celébrase a gala dos Premios Goya de cine, e posiblemente Planet 51 arrase na sección de animación.

O enlace para ver os traballos de Emma Ríos na Marvel,
entre outras cousas, é este (aínda que o link xa o teño no blog)
http://steinerfrommars.blogspot.com

Ilustración-Premio

2010-01-20T12:48:00.003+01:00

Esta ilustración é o premio para Alfredo de Chantada por participar nun concurso
de tipo "¿Coñeces a Xandra?"

unha viñeta que me gustou moito

2009-10-21T15:09:00.000+02:00

Xandra xa ten 2027 amigas/os!!!

2009-10-14T09:25:00.002+02:00

Pois mira, en pouco máis dun mes xa ten o dobre de amizades, hai que seguir,
o vindeiro reto será chegar ás 10000 amizades. A ver se antes de rematar o ano chegamos a iso. E a ver se aqui o debuxante dígnase a debuxar outra cousa que non sexa a Xandra. A ver.

100% xandra: ilustración sen tratar

2009-09-16T19:05:00.003+02:00

1.025 amigas e amigos!!!

2009-09-08T08:53:00.002+02:00

Poi a día de hoxe son 1.025 as amizades de Xandra, pero agardo que sigan aumentando porque creo que Xandra só pode levar alegría á vida da xente, non si? Entre mentres xa vai sendo hora de que eu suba algunha ilustración ao blog, a ver se esta semana...Parece que ulyimamente só debuxo a Xandra. Haberá que crear novas personaxes...Algo anda a argallar a miña cabeciña que xa a sinto moverse, pero aínda non sei o que é. Tereino que averiguar, polo momento seguimos traballando. Un saúdo e un monte de bicos pa tod@s. E para Mai un especial que xa hai tempo que non lle deixo ningún aquí: muuuuuac!
Vémonos en breves.

Nova! Xandra ten un perfil creado no facebook

2009-08-25T11:05:00.003+02:00

Efectivamente, asín é, levado pola miña ambición desmesurada e polos meus desexos egocéntricos de notoriedade, un bo día decidín dar a coñecer a Xandra ao mundo, con tal fin creeille un perfil no Facebook e empecei a procurarlle amiguiños e amiguiñas, porque creo que a xente merece ter a Xandra nas súas vidas, actualmente, a 2 ou 3 semanas de terlle creado o perfil Xandra xa vai polos 490 amiguiños e amiguiñas, agardo darvos novas informacións cada certo tempo informándovos de como vai o seu ranking de amizades/lectores.

Cando se me ocurriu esta idea de darlle unha identidade no facebook a Xandra vinlle moitas cousas boas. Por unha banda podo desenvolver o personaxe nunha suposta vida real a toda cor e ademáis tamén incorporo as súas aventuras en viñeta, deste xeito traballo unha doble visión do personaxe e a xente pode coñecela, tamén é unha maneira novidosa de dar a coñecer un personaxe e, por suposto, de darme a coñecer eu mesmo, percibo a reacción da xente ante ela e as viñetas, e pouco a pouco vaina coñecendo máis e máis xente. Como é vía facebook todas e todos teñen q dar previamente o seu permiso á solicitude de amistade de Xandra, polo que se converten en lectores voluntarios. Polo momento isto é o que hai, ireivos informando deste asunto conforme vaian acontecendo cousas. Por suposto o meu blog non deixará de publicar as novas aventuras que lle acontezan a Xandra en viñeta.
Un saúdo, e seguimos en contacto.

ultima viñeta de xandra

2009-08-10T14:21:00.002+02:00

Xandra non para, dende que fixo o seu chimpo
ao facebook parece outra,
dende o seu perfil de Facebook poderedes ver momentos
da súa vida que non saen publicados na prensa,
coa vantaxe de ser a toda cor,
non lle perdades a pista á mellor amiga do mundo!

reflexións de verán

2009-07-07T11:56:00.003+02:00

aqui vai outra viñeta, poderíase dicir que é unha viñeta de verán pero por onde eu vivo non o parece, parece unha especie de outono amable. Para traballar é mellor, así que non hai queixa. Pero bueno, a Xandra si que lle desexarei un bo verán, xa pode tomar o sol que polo de agora está case tan branca como o seu creador. Unha aperta a tod@s.

Hoxe recibín un e-mail de Xandra

2009-06-15T10:00:00.004+02:00

Foi unha cousa moi curiosa que Xandra me escribira preguntándome por Xandra, a miña Xandra. E como me fixo moitísima ilusión quero mandarlle dende aquí unha forte aperta porque, por un momento, sentinme como se a miña Xandra tomara vida e me estivera a falar.

Pero non, tratábase doutra Xandra, unha moza dalgún lugar da Galiza que desexaba coñecer máis sobre a miña Xandra pola súa coincidencia antroponímica.
Dende aquí quero mandarlle unha forte aperta pois a Xandra Preto, e agardo que a miña Xandra
siga medrando pouquiño a pouco co cariño da xente que le o meu blog ou A Peneira da Louriña.
Un saúdo e aquí vos deixo outra viñeta desta moza que é guapa e riquiña a partes iguais.

...e mais Xandra

2009-05-26T14:04:00.002+02:00

E xa que estamos, pásovos tamén a última viñeta de Xandra publicada hai unhas semanas.
Unha aperta.

ilustracions para concerto de Pancho Álvarez

2009-05-26T13:43:00.004+02:00

Ola. Pancho Álvarez é un contrastado músico de longa traxectoria que habitualmente toca co gaiteiro Carlos Núñez, aínda que tamén ten proxectos como creador musical independente. Para presentar o seu último traballo ("Sólidos Galicianos", Pai Música) elixiu o marco incomparable do Baixo do Moncho coa VI Edición do Festival de Cans como telón de fondo.
E diredes vós, ¿para que nos conta todo isto? Explícovos. Nese complicado entramado que é o Festival de Cans, ao seu director Fonso Pato (tamén director de varios programas da TVG como "Banda Curta", "Criaturas" e "Onda Curta") ocurréuselle que ao tempo que Pancho recitaba un Cantar de Cego existente sobre un accidente dun autobús acontecido en Cans alá polo 1955, eu podería preparar unha serie de ilustracións como apoio.

Estas dúas ilustracións foron proxectadas ao tempo que Pancho cantaba o pasado mércores 20 de Maio no Baixo do Moncho, e un servidor quedou contento de contribuír ao Festival de Cans co seu pequeno graíño de area. Bueno, tamén tiven algo que ver coa imaxe gráfica do Festival pero iso podédelo ver no meu outro blog (lembrade www.juanchodesenha.blogspot.com). Se ben é certo que as ilustracións poderían estar mellor de ter eu máis tempo, tamén non é menos certo que as cousas que se fan sen pensar, moitas veces teñen un grao de espontaneidade do cal carecen os traballos máis planificados. Agardo que vos gosten.

gústame esta viñeta

2009-04-24T22:04:00.002+02:00

pois si, esta viñeta góstacheme moito como quedou,
das mellores que teño feito nos últimos anos,
agardo que vos guste.
Hoxe estou canso, son as dez da noite e como dicía o xabarín
"vai sendo hora de ir para casa...", pero como eu xa traballo na casa,
no meu caso terei que dicir "vai sendo hora de saír da casa..."
Máis nada, despídome
e a ver se un día destes subo algunha ilustración que non sexa unha viñeta,
o malo é que o tempo é un ben moi escaso
na miña vida a día de hoxe.
Un bico, quéresevos.

Xandra de compras

2009-03-26T13:08:00.004+01:00

Hai unha cita que di algo así como: "Hai homes que loitan un día e son bos, hai outros que loitan un ano e son mellores, hai quenes loitan moitos anos e son moi bos, pero hai os que loitan toda a vida, eses son os imprescindibles" (Bertolt Brecht). Cando deseñei o personaxe de Xandra, pensei nunha persoa que se lle podería aplicar unha cita semellante: "Hai persoas que están ao teu carón un día, esas son boas, hai persoas que están ao teu carón un ano e son mellores, hai as que están ao teu carón moitos anos e son moi boas, pero hai as que están ao teu carón toda a vida, esas son as imprescindibles". Esta clase de persoa é Xandra, das imprescindibles. Pero, aínda máis, eu engadería outra cita: "Hai persoas que nacen para ir de compras, e hai outras que nacen para acompañar ás que van de compras. Esas son as imprescindibles".
Un bico a tod@s e unha aperta.

Xandra e o amor... pola Wii

2009-03-26T13:06:00.002+01:00

Xandra é unha moza "emo"

2009-01-20T15:02:00.002+01:00

Ela e maila súa amiga son as novas protagonistas da tira comica que debuxo na peneira da louriña

a todo porco lle chega o seu san martiño...

2008-11-12T22:21:00.004+01:00

viñeta

2008-10-07T13:13:00.003+02:00

aquí estou de novo subindo unha viñeta nova

2008-10-07T13:02:00.002+02:00

Xa sei que estou actualizando pouco o meu blog pero o certo é que ando enleado co meu proxecto profesional, quero dicir que hai pouco que me dei de alta como autónomo e polo momento todos os proxectos que me foron xurdindo foron todos para juanchodesenha (aínda que eu sempre aproveito para meter polo medio algunha ilustración). É por iso que juanchodebuxa non sobe tantas cousas como lle gustaría. Hai moito que mellorar neste blog pero pouco a pouco, paseniñamente xa irei ofrecéndevos máis cousas de calidade.

Estanme pasando moitas cousas ao mesmo tempo e non teño marxe para ordealas, iso si, estou tentando facer as cousas o mellor posible para, algún día poder recoller os froitos,
pero mentres tanto, como alguén dixo por aí: "a inspiración existe, pero por se acaso, que me pille traballando". E así ando, ás voltas con JD&JD e o pouco tempo que me sobra é para Mai (que a pobre aínda traballa máis ca min).
Un saúdo, e moitos bicos a tod@s @s que len este blog.

presentación de A CONTA ATRÁS no Festival Viñetas desde o ATlántico

2008-08-12T17:46:00.004+02:00

Estes días recibín varios e-mails da responsable de comunicación da editorial Factoría K (Paz Castro) para informarme da presentación da última obra de bd de Sergi San Julián con guión de Carlos Portela, e prólogo de Manuel Rivas. Dita obra leva por título A CONTA ATRÁS, e sitúanos un ano despois da terrible marea negra que emporcallou as costas da Galiza.

Esta presentación será o vindeiro 13 de agosto, mañá, para entendernos, ás 19:15 horas na Coruña. Será na Fundación Caixa Galicia (planta baixa), con motivo do XI Festival Viñetas desde o Atlántico, que por certo este ano ten un cartel incrible.

O libro ten moi boa pinta e recoméndovos que o merquedes. Ademáis, como un servidor este ano non vai poder ir, pois así parece que falando de presentacións e tal estou máis preto deste FESTIVAL (con maiúsculas) que é un orgullo para tod@s @s galeg@s. Quen sabe, quizáis algún día poida eu presentar unha obra miña nel. Mentres tanto, será un bonito soño que, polo momento, e mentres non se diga o contrario, soñar é de balde.

Moi ben, pois a miña recomendación queda feita.
Un sáudo e bicos a tod@s.

viñeta de verán

2008-08-06T23:53:00.005+02:00

como un aquí nin vai de vacacións, nin vai á praia, nin tampouco creo que vaia ao Viñetas desde o Atlántico, teño que conformamrme con imaxinar a praia nunha viñeta desde o Louro (concretamente desde A Peneira da Louriña)... Non me queixo que polo menos este verán fun 2 veces á praia...

proxima viñeta da Peneira da Louriña

2008-07-10T17:46:00.006+02:00

Aquí a tedes, en primicia, antes de que saia o xornal a viñeta da nena vudú,

espero como sempre que vos guste. Por certo tiven uns días de baixa informática obrigada a causa dun virus, pero non por que collera eu un virus senón por mor dun virus informático que lle atacou duro á miña computer, pobre dela! Pero aquí seguimos, polo momento... O momento era moi malo pero xa se sabe o que di a Lei de Murphy, basta que algo poida ir peor para que vaia peor. Grazas a tod@s e seguimos en contacto.

viñeta para os amigos da Asociacion Moskeo Colectivo

2008-06-24T13:31:00.006+02:00

Un saudo especial para Marcos, Marcos Escudero que e un artista/escultor de Mos

de enorme talento, mirade a sua web (www.m-arte.eu)

...estas xeitosas mozas debuxeinas hai un par de semanas

2008-05-29T19:22:00.011+02:00

...pois así é, estas mozas debuxeinas no corel (ferramenta de forma) nun cartel que deseñei para o concurso de carteis da Festa da Rosa de Mos 2008, verdade que son xeitosas? (Bueno, polo menos a min gústanme). Pois nada, que non hai maneira, unha vez máis non gañei ningún premio nun concurso de carteis. Sorte de ter un blog e poder amosárvolas a tod@s, vós xulgaredes... Como sempre que hai deseño de por medio, o cartel podedes consultalo no meu outro blog (http://www.juanchodesenha.blogspot.com/)

ilustracións para un concurso de chapas

2008-05-27T10:08:00.010+02:00

éstas son dúas das ilustracións que empreguei nun concurso de deseño de chapas no que participei. O concurso chámase "1000 Chapas Solidarias" e, nesta edición, tentaba sensibilizar contra o abandono de animais. As chapas que presentei eu están no blog de deseño (lembrade http://www.juanchodesenha.blogspot.com/ )

agora Juancho tamén deseña

2008-04-25T11:58:00.003+02:00

efectivamente, hai varios días que está inaugurado o meu novo blog, é un blog de deseño, onde subirei movidas que penso merezan a pena de ver, cousas que fago pero que serán de deseño. Pero non por isto deixarei de subir a este blog todo o que faga interesante que se refira a debuxo, ilustración, etc...
a dirección do blog é, como non, www.juanchodesenha.blogspot.com

a febre do chiki-chiki xa chegou

2008-03-12T21:49:00.005+01:00

este butaneiro é a versión terrenal do mito sexual Rodolfo Chikilicuatre (+ información en www.rodolfo-chikilicuatre.com)

2008-02-19T21:47:00.002+01:00

the exorcist a cor

2008-01-22T11:06:00.000+01:00

Unha vez que empapelei as paredes da habitación de Reagan (cun estilo retro-setenteiro que lle pega bastante á peli), maquilleina a ela e deille cor ao Padre Merrin e ao Padre Karras, considero que o debuxo está rematado, a viñeta cos textos sairá publicada proximamente na peneira da louriña.

Xa estou de volta!

2008-01-15T09:35:00.000+01:00

Acabo de decatarme que dende novembro non subía nada ao meu blog, pero xa estou de novo. A cuestión é que entre traballo de media xornada e carnet de conducir. de súpeto quedei sen horas no día (e na noite). Vale, xa sei que son excusas, pero o importante é que XA ESTOU DE VOLTA!!! E para comezar unha versión moi particular de THE EXORCIST, filme que é un dos preferidos de Mai, en seguida a veredes. Unha aperta moi grande a to@s aquel@s que pasades por aquí a ver se hai algo novo. Un bico e a debuxar!

Fase de entintar

2007-11-02T13:48:00.000+01:00

Pois aquí está esta ilustración de mestura racial xa entintada e pendente de recibir cor. Hoxe xa é venres, pasou o festivo e chega a fin de semana, a choiva non acaba de voltar connosco e hai xa moita xente que se queixa, por exemplo na miña casa, que asocian cocido e mal tempo. E mañá toca cocido. De todos os xeitos eu prefiro que faga sol (vale e que chova polas noites, menos nas noites dos venres e sábados).

mozo e mozas, suma de razas II

2007-10-31T13:28:00.001+01:00

Efectivamente este debuxo é o segundo da serie, suma de razas. A ilustración é a típica dun tipo duro negro con pistola dunha rúa de New York coas súas foraxidas detrás (ou algho así), pois non, preferín armalas con munición que de bélica non ten nada, senón que vai cargada de simbolismo (isto soa moi pretencioso da miña parte, pero en realidade iso que digo era o que pretendía cando fixen a ilustración). Agardo que vos mole, e aghora queda darlle tinta e cor. Hoxe é mércores pero como se fora venres, un bico a tod@s.

Boa Nova

2007-10-25T11:12:00.000+02:00

Esta nova vaivos aledar a tod@s, por fin unha publicación mensual de BD-humor gráfico-ilustración satírico-retranqueira de noso, por fin un proxecto que pode ser unha das mellores novas deste 2007. o prezo será de 2,20€ e hai que ir mercala cada mes ao quiosco para botar unhas risas. Sae en novembro e anda polo medio xente como Kiko Dasilva, Pinto e Chinto, Gutián, a xente do Rei Zentolo, ...

posibles fondos

2007-10-25T11:01:00.000+02:00

Estes son dous dos moitos fondos posibles que podería levar esta ilustración. Igual aínda subo algún outro para que vexades como un mesmo xesto pode ser interpretado de distintos xeitos segundo a situación ou circunstancias que rodean ao individuo. Isto tamén vale para a vida real, ou non?

parado xa coloreado

2007-10-24T12:29:00.000+02:00

este era o paso seguinte, darlle cor ao personaxe, penso que se nota ben o cambio, e agora xa so queda darlle cor ao fondo, a ver que sae...

parado xa entintado

2007-10-24T09:17:00.000+02:00

esta sería a segunda fase en todo o proceso de creación dun personaxe para BD, a tinta, que aínda que parece unha tontería, é unha das claves esenciais para que ao final se vexa bonito ese personaxe. hai moita diferencia entre un personaxe sen tinta e outro con tinta, tal e como podemos ver nas ilustracións deste tipo parado. posteriormente veremos a evolución entre personaxe entintado e personaxe coloreado, por certo, que vos parece que estea a facer este individuo nesta postura tan estraña? Saberédelo en breve...

parado

2007-10-22T17:40:00.001+02:00

xa levaba varias semanas sen subir nada ao meu blog, era porque andaba facendo unha BD para unha campaña de igualdade e prevención de malos tratos para os centros de primaria dun concello veciño

"parado", este tipo que debuxei reflicte á perfección o meu estado actual: CALVO e PARADO, pero non só parado profesionalmente (que tamén), senón parado vitalmente, con catro cousas claras que son as que me empurran para adiante, entre elas, o debuxo e, por suposto, a Mai de Trives [que non é a miña mai, aínda que si é a miña Mai; sen esquecer a Soli, que si é a miña mai ou nai, como dicimos por eiquí], pero hai un espazo baleiro diante de min, sen debuxar, de aí que estea parado, sen saber moi ben que facer, pero con moitas ganas de tirar para adiante, que ao final iso é o que conta

nova ilustración para A peneira

2007-09-19T15:09:00.000+02:00

mozo e moza, suma de razas

2007-09-10T10:38:00.000+02:00

esta ilustración dun mozo negro e unha moza branca pertence a unha serie de debuxos que estou a facer para traballar as peculiaridades físicas das distintas razas, agora estou coa raza negra que é dunha grande beleza, aínda que esta moza branca tamén é ben xeitosiña

2007-08-27T10:57:00.000+02:00

estes dous xurdiron cando preparaba unha historia dun actor e un director, aínda non teño claro se irei adiante con ela pois o guión non acaba de convencerme, xa veremos. se vos gustan os personaxes xa é un bo comezo.
un saúdo, é luns pola mañá pero mañá xa é martes

2007-08-20T17:44:00.001+02:00

2007-08-20T17:39:00.001+02:00

a conta atrá do pirata rematou, mañá será executado á mañaciña

dando cor a Eloís

2007-08-20T13:27:00.001+02:00

¿Lembrádesvos de Eloís? (está varias imaxes máis abaixo), pois estes días estou a darlle cor, a ver que vos parece,

Juancho a golpe de luns,

que non é pouco.

pirata condenado

2007-08-14T18:15:00.001+02:00

este pirata está condenado a pena de morte por esmagamento,

quédanlle só 3 días de vida en plastilina,

se hai alguén que desexe salvalo pagando en efectivo o custo da súa liberdade

(valorado en 6000 €)
só ten que dirixirse a este blog indicándonolo

mariño namorado

2007-08-13T10:15:00.000+02:00

... e claro, cando hai amor correspondido, xa se sabe, hai moita dor, unha dor recíproca e de lonxanía... cantos namorad@s na historia frustrad@s polo mar!

namorada dun mariño

2007-08-13T10:06:00.000+02:00

esta ilustración é froito dun domingo na casa da moza, mentres ela estudaba obstetricia de veterinaria, eu dáballe á ola, pensando nunha imaxe de amor imposible...isto foi o que saíu

2007-08-07T00:28:00.000+02:00

viñeta recén rematada e lista pra degustar

próxima viñeta da Peneira

2007-08-06T12:54:00.000+02:00

2007-07-31T20:53:00.000+02:00

O GRAN DITADOR
Este é un deses monstros que os pais teñen por tesouros, pero que acaban por converterse en auténticos dtadores precisamente polo exceso de mimo dos proxenitores. conforme rematei deime conta de que tiña un aquel con algún traballo de kiko dasilva, vaia dende eiquí o meu máis afectuoso saúdo a este enorme talento da BD galega actual. a ilustración está feita a lapis, ao igual que a ilustración anterior.

2007-07-31T20:48:00.000+02:00

eloís

esta ilustración desta moza protagonista dun tema de Tino Casal ocurrríuseme, efectivamente, escoitando ese tema. trátase dunha moza que é un furacán, profesional, que vén e vai procurando acción, ...

esta é a portada susceptible de ser delictiva, pois non é para tanto, total ¿a quen non lle deron un pouco polo cu algunha vez na vida?

2007-07-22T23:30:00.000+02:00

A Liberdade de Expresión nun Estado Democrático no ano 2007

2007-07-21T15:49:00.002+02:00

Recén erguido hoxe quedei de pedra logo de coñecer a vergoñenta actuación do Fiscal Xeral do Estado español Cándido Conde-Pumpido, dando orde de que se "secuestrara" o último número de "El Jueves", xustificando dita orde en que a portada da mesma (unha caricatura dos futuribles reis de españa, se é que o estado español non se transforma antes nunha República) era un atentado contra a dignidade dos individuos antes mencionados e incurría nun delicto de inxurias contra os mesmos (máis ou menos viña disindo, algho así).

Gustaríame neste meu blog, dar todo o meu apoio e respaldo á revista satírica El Jueves, tanto á revista como aos seus traballadores (entre os cales se contan ilustres galegos como Kiko Dasilva e noutros tempos Daspastoras). Do mesmo xeito quero amosar a miña máis enérxica repulsa e condea a unha interpretación persoal revestida de decisión xudicial que vulnera flagrantemente o dereita que temos tod@s @s cidadáns/ás do estado español á Liberdade de Expresión. Teño que dicir ademáis que, como humorista gráfico, ilustrador e artista, en xeral, hai que ter moito coidado cos recortes na Liberdade de Expresión porque ¿quen marca os límites da Liberdade de Expresión?, hoxe é Conde-Pumpido e mañá pode ser Acebes ou Jiménez Losantos.

Pódese considerar dita portada de mal gusto ou mesmo pecaminosa (se se mira con ollos da igrexa, por aquilo de darlle por detrás en vez de usar a postura do misioneiro, que é máis católica), pero daí a falar de delicto, paréceme, sinceramente mexar fóra do testo.

Un saúdo de sábado,
Juancho.

protagonista dunha historia de banda deseñada na que ando

2007-07-20T13:36:00.000+02:00

Viñeta rematada

2007-07-04T14:25:00.001+02:00

Xoaniña fronte a Paquidermo

2007-07-04T14:19:00.000+02:00

Este é o debuxo sobre o que fixen a viñeta para A Peneira da Louriña (xornal mensual onde debuxo), logo subirei a viñeta rematada a ver que vos parece. Un saúdo.

2007-06-20T10:38:00.000+02:00

2007-06-20T10:35:00.000+02:00

o meu nome é Lino, Plasti Lino

2007-06-20T10:30:00.000+02:00

moza plastilinosa

2007-06-20T10:27:00.000+02:00

gato de plastilina

2007-06-20T10:23:00.000+02:00

ninfa

2007-06-20T10:17:00.000+02:00

moza + nena + gato nun café

2007-06-20T10:09:00.000+02:00

2007-06-19T19:12:00.000+02:00

árdelle

2007-06-19T12:38:00.000+02:00

presentación

2007-06-11T19:14:00.000+02:00

Ola, un saúdo, este é o meu blog persoal, o blog de Juancho Castaño Vicente, que son eu. Tentarei empregalo como escaparate actualizado dos meus debuxos e ilustracións. Desexo que vos molen os traballos. A ver se en pouco tempo xa teño movidas subidas.
Unha aperta a tod@s, un bico.
Juancho.